| تبليغات | X |
بنام خدا
شاعر قلابی
معرفت پیمانه سیندن ایچمین طاهر دگیل
ایلین تکرار خلقین شعرلرین شاعر دگیل
انعکاس نور ایدر یوخدی اوزیندن ایشّقی
گوهر صدقی بدلدیر دوز دیمز ماهردگیل
آرقاجی قلدیندی رنگی گون قباقینده گیدر
فرش ابیاتی نمد یر سوزلری نادر دگیل
جام عشقی باده سیز دیرسوزلری ظاهر فریب
دام تزویری ریادیر رهزن خاطر دگیل
هیچ زمان اقرار ایتمز کی بدل دیر سکه سی
اعـتراف ایتماغه حقّانیته حاضــر دگیل
عین شعره ال آپارماق ذره جه تفییرلن
بوتقلب دی هنردی سرقتی ظاهر دگیل
حیرتا عنوان ایله حقی کی حق ایلر کومک
تانری دن غیری قیامتده سنه ناظر دگیل
حاتم نوروزی (حیرت)
مثنوی رازو نیاز
ای صفا بخـش و کریم و کـردگار جـان ویــرن آرم ایـــدن پروردگــار
باشلـرم آدونــــله هر ایشــی یقین ای سنــــــون منـــه آئیــن و دین
خلق ایتدون گوگلـــری یا بو یری سویله دون یره گجه گــــوندوز یری
امّا کافـــرلر سنـــه ویردی شریــک مــحشــرونده یالــوارلـــر یا لطـــیف
داده چـــات محشــرده ایله سن کرم بیــز سنـی اوز حقـویــوه ویـــرگ قسم
بو دلیـــلر تک لوقونده چوخدی چوخ غیری سندن آیری بیر کس یوخدی یوخ
رحـمتــوندن غـافـل اولمـم مهــربان هیبــتونــدن تیتـــررم اولـــم خـــزان
ایلــــدون نعــــمت ســرا یاسیــوه یــــولّادون بــو قــاپیــه ســن دینــوه
ای اجــابـت ایـلیـــــن بیـــچــاریه رحــم ایــدن یــولــدا قـالــن آواریـــه
اگـمـــرم باش جز سـنــه روح وروان ای منــه قــــدرت ویـــرن آرام جـــان
با صفـا قیـل حمد و ذکـــر وکیشــمی ویـــر اراده راحــت ایلــــه ایــشــــمی
منحصر سـن بخـشـشـه ویردون قــرار مـــومنـــه ایــمـان و صــــدق استـــوار
روزه دن مـن بیخبـر روزه ویـرن لشـکری کفـری اشـاره یلن قیـرن
آچ دیلمدن سن دوگونی ای طبیب تا سوزوم درک ایلسونله ای طبیب
مـن که نادانـــم اجـابـــت ایلیـن آیـنـماق عـلمیـن کـرامـت ایـلیـن
ای ممـاتـی حی ایدن حیّ مـــمات رحم ایله یازدیر منه یازدیر بـرات
کول اولن هر اورگه سن سن سـور ایلیورسن فکرو ذکریمـده خطــور
قویمادین بی دادرس سن هر کسی بی صدا ویرین جوابین هر سـسـی
یوخ یــرش یا قدرتی سنـدن سورا نـاتـــوانــه هـمّـتی سنـدن ســورا
ویـرسلامـم احمـده رحمـت یـتـیـر ال شفیـــع امّتـــه نعــمــت یـــتـر
درّی ساخلا سن منی حـیـدر تـکـی یا کی اولدور سن منی صفـدر تکـی
عافیـت ویر عقــلیمـه تعـظـیمـمه هر سلام و سجــده و تعظــیمـمـه
بی ریا قیل هر قیامـــم ای رحــیــم حــمــد و تــوحیــدم ای کــریـــم
ساخلا هر شردن منی مســتور ایــله شعــله اوتـــدن اورک پـر نور ایلـه
آشـــکــار ایـــله یـگــانه آشــکار عیبمـی، حسن ایـله بی حـد بی شمار
ایله اشیق ویـر بصـیـرت سن گـوزه معرفت ویر معــنـویـت سـن بـیــزه
سـن یقینـه ایت کـونـولده بر قرار ایـــلــه اخلاصــی عـملـده اسـتـوار
ایت سلامت روحیمـتی جانـده روان ویر گشـایـش روزیـمه روزی ویـران
رحمتـون مبسـوط ایله ای ممکنـات حـکمتون آچ قاپسین ویر سن بـرات
عـالـم والا نصیحـــــت ویـر گلـن خط عـرفانـده مزّیــت ویــر گلـــن
پیس اولـن خصلـتلری ایلـه ایراق جنتون طوبـاسیـنه بیـزجـان ویــراق
ایـت سلامـم احمـده ایله سپـاس آل هامـی دشـمنلرندن سن قصاص
ایله دینون باغنــه حقّــی قـــرار حـق گلستــانین ایـلـه سـن گلعــذار
ایت هدایت اوز یولونده رهنــما بـویـلانـوب جـانیمده ایت نشـو ونمـا
ایلـرم من شکـریوی تا زنـده یـم قطــره ایمـانیــمی دریـا ایدیـــم
مـن پیـاده وسوسـه لردی ســوار منــزلـه چــاتدیر منـی ایــت برقـرار
اعتـــرافـم بــوده حقّــانــیّتــــه اهــل بیـــت مصطفایــته عصــمــته
آدی گلسـه مست و مدهوش ایلیر احمـد ون جامــی ده بیهـوش ایلــیر
ذکـر و.صلوتی دیر جـن و مـلـک آدم و منـــــظـومـه و چـرخ وفلــــک
آل طـاهـا اولمـاسا معنـاسـی یوخ شافــع امّت اولان هـمتــاسـی یــوخ
حوض کوثرده ویرر جامـی علــی سســـلنـر آدم مــلک هــامّـی علـــــی
سیّــدی باغ رسالـتــــدی علـــی گلشـــن علــم و فصـــاحتــدی علــــی
خم غدیرنده بویوردی مصطفـی جــانشینــدی سیـزلره نــــور هـــدی
دست جانان دور علی المرتضــی اونا جبـــرائیل دیوبدور لا فتـــی
خصلتنده بخشــش و احسانـه باخ ینـفـقـونـون آیــه ســی قرآنــه باخ
گلسه آدی عطر پیغمبـــر گلــــــر گـــون تکی ایشق ایدان دلبـــــر گلــر
فـاطـمـه اهـل ولایـــت بـاغـه دی مونسی بـاغ بهشتـــده ســاقـی دی
هاردا واردی سن آغاجـی ایستین شـاخـه وبـال و پـرین دیبــدن قریــن
اهل بیت مصطفـــادی بــال و پــــر اولمـاسـا بـو خـاندان یـوخـدی ثمــر
یاغماسا یاغش قورور چولاریمیز هر بــداغـده سستــالار گـــلاریـمـــز
یوخدی سندن سورا تکلوغده خدا دردلـره درمـان ویـرن سـن بــی دوا
رهـزنـی ایمانــی منـدن دور ایلـــه رجم اولان شیـطانـی مندن دور ایـله
ای کـفایـت ایلیـن دنیـایـه بــــــس دیوی مندن ایت ایراق سیندر قفــس
بو قفـس نفـس بشـردی آدمــــــــه امتـــحان ایتمــه امــــان و الحـــــذر
زنجیری بوینومده دی نفسون یامان قیــر بــو زنجیری الــهـــی الامـــان
گجـه وقتنده چـراغ سیـز قالمیشــم هامی یر داشلوقدی باغ سیز قالمیشم
دوت الیمدن هر گجــه مهمان ایله قـیــــل محبّــت داخــل رضـوان ایلــه
بــو زیــارتـگـاه قلبــی ایــــت زلال زائـریـن مهــر ولایـت قیـل کـمــــــال
غیری سندن یوخ مدیر ممکنـــات ناتوانه ایک بیز دیک سندن صفات
ذرّه جـه تسبیح ایدر ذکرون سنون هامی شیئ تدبیر ایدر فکرون سنون
ذکر وتسبیحـم سنین هر یــرده وار عیبمـــی ســـن برکدنـسـن پرده دار
ای دگرگــون ایلیـــن احوالیمـــــی یاخچلـوق حالــه دولانـدر حالیمـــی
حیرت بیچاره دی بیر سینــه چــاک اهـل بیـــت عصمتــــه روحــی فـداک
حاتم نوروزی (حیرت) دیماه 1387